Recent Articles

Hambayo Ummadda reer Somaliland

 

Asalaamu Caleykum,

Aniga oo ka wakiil ah Shaqaalaha  xukuumadda iyo jaalliyadda reer Somaliland ee ku sugan dalkan Britain waxan halkan hambalyo iyo bogaadin u marinayaa shicib weynaha reer Somaliland iyo dawladdeenna, anigoo ku bogaadineya kuna hambalyeynaya sidii waddaniyaddu ku dheehnayd ee ay shalay (28/11/12) u guteen waajibkii qaran uguna hiiliyeen qaddiyaddooda markii ay sida sharafta iyo bisaylka qarannimo ku dheehan tahay u codeeyeen doorashadii Dawladaha Hoose ee dalka.

Waa markhaatigii u dambeeyey ee aynu u bandhigno caalamka 21-ka sano ka indho qarsanayay aqoonsiga aynu xaqa u leenahay. Waxanan hubaa inay tahay dhacdo kale oo badhi-taaraysa raadinta himiladeenna godol qaadday  Inshallaah.

Waxan ugu baaqayaa dhammaan xisbiyada iyo ururradii u tartamay doorashadu inay si waddaniyadi ku dheehan tahay uga war-sugaan natiijada ay Komishanka qaranku soo saari doonaan, waana aynu wada guuleysannaye inta xilka EEBBE u qadderana ha loo wada hambalyeeyo.

 

Wa billaahi tawfiiq,

 

Ali A Awale

Wakiilka Somaliland ee Britain

 

Guddiga Doorashooyinka oo sheegay inay doorashadii Goleyaasha Deegaanku caawa fiidkii xidhantay

 

Hargeysa, Guddida Doorashooyinka Qaranka Somaliland ayaa sheegay inay si habsami ah, isla markaana nabadgelyo ah ku dhamaatay doorashadii Maanta guud ahaan dalka ka qabsoontay.

Guddoomiyaha Guddida Doorashooyinka Qaranka Eng. Ciise Yuusuf Xamari oo caawa fiidkii la hadlay warbaahinta ayaa tilmaamay in guud ahaan doorashadii goleyaasha deegaanka ee Maanta dalka looga dareeray ay si habsami ah u dhamaatay, markay saacadu ku beegnayd lixdii fiidnimo ee caawa.

Sidoo kale, waxa uu Guddoomiyuhu sheegay inay rajaynayaan in natiijadu si wanaagsan u soo ururi doonto, isla markaana ay musharaxiintii tartamayay aqbali doonaan.

Guddoomiyaha oo arrimahaas ka hadlayaana waxa uu yidhi. “Doorashadii oo maanta si wanaagsan inoogu soo gabgabawday, waxa weeyaan 28-kii bishii 11aad 2012-ka doorashadii goleyaasha deegaanka oo ku soo gabagabawday si nabadgelyo ah, waxa Illaahay mahadii ah sidii fiicnayd ee ay maanta inoogu qabsoontay, kolay doorasho kasta oo timaadana casharo ayaynu ka baranaa, si wacan ayay guud ahaan inoogu soo dhamaatay, sidaa wanaagsan ayay natiijaduna kusoo ururi doontaa,”

Guddoomiyaha oo hadalkiisa sii wata ayaa xusay inay filayaan in musharaxiinta tartamayayna ay aqbali doonaan natiijada uu Komishanku soo saaro. “Xildhibaannadii sharaxnaana ku aqbali doonaan, mar hadii saacadu lixda gaadho kuyuuga xaga dambe ayaa laga xidhayaa inta safka ku jirtana waa loo dhamaystirayaa, sidaas ayayna doorashadii inoogu soo dhamaatay.”

 

Press Statement on the Upcoming Local Council Elections in Somaliland

On 28 November, the people of Somaliland will go to the polls for the fifth time in the country’s 21 years as an independent State to vote in local council elections taking place across the country. The previous round of local council elections held ten years ago confirmed Somaliland’s emergence as a peaceful, democratic country in a region often associated with famine, war, terror and anarchy. Since then, the country has held parliamentary elections and two presidential elections, all of which were deemed free and fair by international observers—and which included the peaceful handing over of power from one president to another in 2010.

Tomorrow’s local elections are significant because they demonstrate how it is possible to build a democracy in Africa despite the legacy of civil war. With voting taking place from the westernmost regions of Somaliland’s borders with Ethiopia and Djibouti to the eastern regions of Sool and Sanaag, they also demonstrate the unity of a people committed to engaging in peaceful, democratic politics.

The Government and the people of the Republic of Somaliland are grateful to the many foreign governments, including several from Europe, that have supported election preparations such as the provision of advice and guidance to electoral officials, the training ofelection observers, and the updating of relevant legal frameworks. This support and investment speaks to the value the international community places on Somaliland as a guarantor of peace, stability and democracy in the region.

The government of Somaliland would also like to thank all of the international election observers present in our country during these elections for their efforts to ensure that the elections are conducted in a manner fully consistent with international standards.

 

Press Office

Ministry of Foreign Affairs

Republic of Somaliland 

Madaxweyne Siilaanyo oo khudbad dheer warbaahinta u mariyay shacbiga

 

“Aniga iyo Xisbigaygu waxaan ballan qaadaynaa in aanu aqbali doono natiijada doorashada”

Waxaan leeyahay marka la tartamo la kala tagi maayee, is dhawrta oo wanaagga ha ka tegina”

Madaxweynaha Somaliland Md. Axmed Maxamed Maxamuud (Siilaanyo) ayaa shacbiga Somaliland warbaahinta u mariyay khudbad dheer oo uu ugu talo galay wacyi-gelinta bulshadda ee doorashada Deegaanka ee Arbacada berri dalka ka qabsoomaysa.

 

Madaxweynaha Somaliland waxa uu khudbadiisa si qoto dheer ugaga hadlay gedi-socodka dimuqraadiyadda, natiijada doorashada iyo guubaabo la xidhiidha adkaynta nabad-gelyada dalka. Waxa kale oo uu si adag ula dar-daarmay axsaabta tartamaysa, ciidamada nabad gelyada iyo Komishanka doorashooyinka.


Madaxweynuhu wuxu si mug leh uga hadlay dedaalka ballaadhan ee loo soo galay in la qabto doorashada iyo qiimaha ay ku joogto dalka. Waxanu reer Somaliland meel ay joogaanba kula dardaarmay inay si isku duubni ah ula sheqeeyeen Komishanka Doorashooyinka iyo kan Diiwaan-gelinta, ciidamada nabada gelyada iyo kuwa qaranka oo hawl culus u haya dalka.

Madaxweynuhu wuxu ururrada tartamaya kula dardaarmay inay wadajirka iyo qarannimada ilaaliyaan una hoggaansamaan natiijada doorashada, isagoo ballan-qaaday inay madaxweynaha iyo xisbigiisu aqbali doonaan natiijada doorashada.

Bulshada reer Somaliland-na wuxu kula dardaarmay inay si xor iyo xalaal ah u dhiibtaan codkooda, ciddii ay rabaanna siiyaan iyagoo is dhawranaya oo walaalo ah.

Komishanka Doorashooyinka Somaliland oo sheegay inay bilaabeen ambo-bixinta agabka doorashada ee Gobollada

 Hargeysa, Af-hayeenka Komishanka Doorashooyinka Somaliland Maxamed Axmed Xirsi Geelle ayaa maanta shaaca ka qaaday inay bilaabeen ambo bixinta agabkii doorashada si loo gaadhsiiyo Goobaha Codbixinta ee Gobollada iyo Degmooyinka dalka.


Afhayeenka Komishanku waxa uu cadeeyay inaanay jirin wax Guddidooda qabyo ka ah isla markaana ay wax waliba ugu socdaan sidii loogu talo galay.

Afhayeenka Komishanka Doorashooyinka Qaranku waxa uu ka hadlay darawaliin ay komishan ahaan xidheen kuwaas oo uu ku sifeeyay qaar khal khal gelin ku ahaa nidaamka ay hawsha u wadaan isagoo xusay in darawaliintan oo ah kuwa Basasku ay jaha wareer ku rideen ardaydii jaamacadaha gaar ahaan kuwa komiishanka u qaabilsan Gobolka Sanaag oo gaadiidkii ay Gudida Doorashooyinku u diyaariyeen kuwo ka duwan oo basas ah rabay inay ku qaadaan.

Waxaa kale oo Afhayeenka Komiishanka Doorashooyinka Qaranka Mudane Maxamed Axmed Xirsi Geelle uu kula dardaarmay Guud ahaan Shacabka Somaliland in iyagoo og cadawga badan ee dalkani leeyahay ay dhinacyada ka taagnaadaan nabad gelyada Guud ee Qaranka, kana hor-tagaan wax-kasta oo dhaawac ku keeni kara.

 

Subcategories

Map

Our Address:

234-236 Whitechapel Road, London E1 1BJ.
Telephone number: 020 3441 2631.
Email: This email address is being protected from spambots. You need JavaScript enabled to view it.
 

Opening Hours:

Monday to Friday (10:00 - 16:00).
 

Disclaimer

 The information contained in this website is for general information purposes only. The information is provided by Somaliland Mission UK and while we endeavour to keep the information up to date and correct, we make no representations or warranties of any kind, express or implied, about the completeness, accuracy, reliability, suitability or availability with respect to the website or the information, products, services, or related graphics contained on the website for any purpose. Any reliance you place on such information is therefore strictly at your own risk....Read more

Quick Menu